“IPKO” dhuroi pajisje mjekësore për Njësinë e Pediatrisë në QKMF-në “ Nënë Tereza” në Klinë

17/01/2018 Institucionet

Kompania e Telefonisë Mobile “IPKO”, ka dhuruar pajisje dhe mjete mjekësore në vlerë 10 mijë euro për Njësinë e Pediatrisë në Qendrën Kryesore të Mjekësisë Familjare “Nënë Tereza” në Klinë. Me këtë rast, kryetari i Komunës së Klinës, Zenun Elezaj, i shoqëruar nga nënkryetari Besim Hoti, drejtori i Shëndetësisë, Hekuran Sejdiu dhe drejtoresha e QKMF-së, Drita Gjergji, kanë falënderuar zyrtarët e kësaj kompanie për këtë donacion, i cili do të ndikojë në rritjen e shërbimeve për fëmijët që kërkojnë ndihmë shëndetësore. “Ndihma që keni sjellë për këtë njësi është e mirëseardhur. Do të vazhdojmë të bashkëpunojmë edhe në të ardhmen me Kompaninë IPKO. Shëndetësia, vërtet ka nevojë për mbështetje. Edhe qeverisja lokale e ka në prioritet shëndetësinë dhe rritjen e efikasitetit në ndihmë të qytetarëve, pasi që është hallka kryesore për një shoqëri të shëndoshë”, ka thënë Elezaj. Arjanit Duraku, drejtor i shitjes në Kompaninë “IPKO”, ka thënë se ky donacion është bërë me rastin e 10- vjetorit të Kompanisë dhe Klina është në mesin e 10 komunave që kanë përfituar falë bashkëpunimit të mirë.

Kontrolloni gjithashtu

U mbajt akademi përkujtimore në nderim të heroit Abaz Thaçi dhe 10 dëshmorëve tjerë nga Drenica

Në Qendrën e Kulturës “Hasan Prishtina” në qytetin e Skenderajt është mbajtur akademi përkujtimore në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara