Fillimi / Analiza / Jakup Krasniqi: Prioritetet nuk caktohen njëanshmërisht
Jakup Krasniqi

Jakup Krasniqi: Prioritetet nuk caktohen njëanshmërisht

Nuk ka asnjë dyshim, shoqëria shqiptare në përgjithësi e kjo e Kosovës në veçanti, kanë nevoja të ngutshme që të zhvillojnë një debat serioz e të njerëzishëm sesi e nga duhet të ecim tutje. Ky debat pavarësisht i duhet politikës, atyre që po vrapojnë e premtojnë për të qeverisur me vendet tona, për të marrë vendime të mëdha për kombin. Por, para se të merren vendimet e mëdha, duhet të caktohen prioritetet pa të cilat nuk mund të shkohet në vendime të mëdha të nivelit nacional.

Për t’i caktuar prioritetet që u duhen qytetarëve të Kosovës, duhet të merren disa hapa:

Hapi i parë, domosdo duhet të jetë, hapja e një debati brenda përbrenda partive politike, që në ato debate, partitë politiket t’i caktonin vullnetet e tyre politike se për çfarë prioritete do të kishin gatishmëri për t’u marrë vesh.

Hapi i dytë, pajtueshmëri e plotë për të nisur një debat politikë mes partive politike parlamentare, nga i cili debat do të nxirreshin prioritetet politike të interesit nacional.

Hapi i tretë, listimi i prioriteteve që vërtetë janë, prioritete të ngutshme të interesit nacional. Këtu po flas për prioritetet nacionale që janë e varen kryekreje nga vullneti ynë politik.

Prioritetet e caktuar se fundi, nuk varen nga vullneti ynë politik.

Prioritetet që varen nga ne janë:

  1. Sundimi i rendit dhe i ligjit;
  2. Sistem të Drejtësisë të pa politizuar;
  3. Sistem financiar të organizuar e të shfrytëzuar mirë;
  4. Zhvillim ekonomik, favorizim i investitorëve potencial dhe punësim;
  5. Arsim cilësor e të reformuar;
  6. Shëndetësi publike të organizuar mirë.

Këto prioritete, sjellin prioritetet tjera me liberalizimin e vizave që kaq shumë po e kërkojnë qytetarët tanë.

Ketë vend nuk duhet e as nuk mund ta dojë kush më shumë se NE! Ndonëse, gjatë këtyre viteve nuk kemi treguar kurrfarë dashurie, veç pangopësisë!

Pangopësi është edhe çdo përpjekje për të uzurpuar qeverisje jo legjitime!

Kujdes! Parlamentizmi e njeh shumicën parlamentare!

Ambasada e Francës, Gjermanisë, Italisë, Mbretërisë së Bashkuar dhe ShBA-ve janë prononcuar përmes një deklarate të përbashkët për media në lidhje me takimin që kanë pasur sot me presidentin e vendit Hashim Thaçi.

Me anë të kësaj deklarate të përbashkët, nga Ambasada e Francës, Gjermanisë, Italisë, Mbretërisë së Bashkuar dhe ShBA-së, kanë bërë me dije se në takimet që i bëjnë me udhëheqës të vendit vetëm i dëgjojnë pikëpamjet e tyre.

“Ambasadat e Francës, Gjermanisë, Italisë, Mbretërisë së Bashkuar, dhe SHBA-ve, dëshirojnë të njoftojnë se ne bëjmë takime me udhëheqës politikë dhe institucionalë që t’i dëgjojmë pikëpamjet e tyre dhe për të pranuar informata, në mënyrë që t’i mbajmë qeveritë tona të informuara lidhur me zhvillimet. Pjesëmarrja në takime të tilla nuk sinjalizon miratim ose mbështetje për ndonjë pozitë të veçantë apo rrjedhë të veçantë veprimi. Kjo është në përputhje me praktikën normale diplomatike”, thuhet në deklaratën e përbashkët të tyre.

Kontrolloni gjithashtu

Jakup Krasniqi: Praktika parlamentare e njeh shumicën parlamentare

Jakup Krasniqi: Praktika parlamentare e njeh shumicën parlamentare

Ish-kryetari i Kuvendit të Kosovës, Jakup Krasniqi ka thënë se pret nga Gjykata Kushtetuese të ...