Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Sindikatës së Bashkuara për Arsim, Shkencë dhe Kulturë, Rrahman Jashari ka paralajmëruar se nesër do të mbahet një takim i strukturave drejtuese të kësaj sindikate për të biseduar për gjendjen e rënduar në arsim. Ai ka thënë se do të diskutohet dhe bisedohet se çfarë mendojnë punëtorët e arsimit rreth situatës së re të arsimit, do të nxjerrim përfundime dhe do të vendosim se çfarë do të bëhet tani e tutje në angazhime sindikale. “Grevë nuk do të ketë, sepse në komunikimin që e kemi bërë me kryetarët për takimin e nesërm nuk është përmend se në ndonjë komunë është ngritur kjo çështje, por nesër do t’i marrim parasysh të gjitha opinionet. Viti i ri shkollor do të fillojë, por me shumë vështirësi ku do të kemi mungesë edhe të mjeteve shkollore”, theksoi në mes tjerash kryesindikalisti i arsimit, Rrahman Jasharaj.
