Kryetari i Skenderajt, Bekim Jashari pas takimit që ka zhvilluar sot me Komisionin Ndërministror për Kompleksin Memorial “Adem Jashari”, i udhëhequr nga zëvendëskryeministri Fatmir Limaj ka thënë se prioriteti i Qeverisë së Republikës së Kosovës për të përfunduar projektin e nisur në vitin 2005. “Në takimin e sotëm të Komisionit Ndërministror për Kompleksin Memorial “Adem Jashari”, i udhëhequr nga zëvendëskryeministri Fatmir Limaj – si kryesues, me pjesëmarrje dhe të ministrave të Ministrive të linjës dhe zyrtarë tjerë, u konfirmua edhe një herë prioriteti i Qeverisë së Republikës së Kosovës për të përfunduar projektin e nisur në vitin 2005, për këtë vend të shenjtë të Kosovës, ku ka rrënjë liria dhe pavarësia e saj. Jam i sigurt se, me përfundimin e projektit për Kompleksin Memorial “Adem Jashari”, qytetarëve nga mbarë trevat shqiptare, por jo vetëm, do t’u mundësohet të kenë një kompleks atraktiv që ia vlen të vizitohet”, ka shkruar Jashari.
Kontrolloni gjithashtu
Rrezikohet rruga e anëtarësimit të Kosovës në Këshillin e Evropës pas rekomandimeve të Francës dhe Gjermanisë
Hapat e fundit të Kosovës drejt anëtarësimit në Këshillin e Evropës shfaqin shenja të kthimit …