Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Deçan Agjencia për Ndihmë Juridike Falas, me mbështetje të USAID-JAK ka mbajtur Fushatë Informuese për të drejtat e qytetarëve për qasje në drejtësi dhe ndihmë juridike falas me akterët komunal: dhe palët kyçe të ndërlidhura që ofrojnë shërbime për qytetarët e Komunës së Deçanit dhe bashkëveprojnë me ZMNJF në Komunën e Deçanit. Tryezën e hapi znj. Anita Alaj Kalanderi – Drejtore Ekzekutive dhe pjesëmarrës ishte edhe Kryetari i Komunës së Deçanit Bashkim Ramosaj, i cili u zotua se do te ndërmarrë të gjitha veprimet e nevojshme në drejtim të informimit të qytetarëve dhe referimit të tyre te ZMNJF Deçan, e cila gjendet në objektin e Gjykatës Themelore në Pejë – Dega Deçan. Qëllimi i përgjithshëm i fushatës informuese është promovimi i të drejtës për qasje në drejtësi për të gjithë qytetarët, pa dallim dhe ka synim:
-
Promovimin e qasjes në drejtësi dhe institucionin e ndihmës juridike falas në nivel lokal dhe qendror;
-
Identifikimi i sfidave dhe mangësive të mundshme të qasjes në drejtësi për qytetarët, në Komunën e Deçanit;
-
Identifikimi i mundësive të reja për bashkëpunim midis akterëve me rëndësi (në nivel lokal dhe në nivel qendror), me qëllim të avancimit të mëtejmë të qasjes në drejtësi për qytetarët.
