Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari amerikan, Joe Biden, citohet t i ketë thënë kryetarit të Turqisë Rexhep Tajip Erdogan se Shtetet e Bashkuara dhe Turqia duhet t’i menaxhojnë më mirë mosmarrëveshjet. Partneriteti mes dy vendeve anëtare të NATO-s u vu në provë nga kërcënimi i Turqisë për të dëbuar të dërguarin amerikan dhe nga blerja prej saj e një sistemi raketash ruse. “Duam të zhvillojmë një dialog të mirë”, tha Biden. kur dy udhëheqësit dolën para gazetarëve përpara bisedimeve me dyer të mbyllura. Në takim, Joe Biden konfirmoi rëndësinë e Turqisë si një aleate e rëndësishme në NATO dhe në partneritetin me Shtetet e Bashkuara, por i ngriti shqetësimin për sistemin e raketave ruse S-400, thuhet në një deklaratë të qarkulluar nga Shtëpia e Bardhë. Presidenti turk e ka lënë të hapur mundësinë për blerjen e sistemi të dytë raketash ruse, me gjithë kundërshtitë që shkaktoi marrëveshja e vitit 2017 për blerjen e raketave të para. Roli i Turqisë si një vend anëtar i NATO-s është vendosur në epiqendër të vëmendjes gjatë javëve të fundit.
