leoni

Ka përfunduar aktiviteti kulturor Kolonia e Artistëve “Skenderaj 2017”

20/06/2017 Institucionet

Me e ekspozitën e hapur në Qendrën e Kulturës “Hasan Prishtina” në Skenderaj ka përfunduar Kolonia e Artistëve “Skenderaj 2017”. Ne ceremoninë hapëse të ekspozitës kanë marrë pjesë artistët pjesëmarrës në Koloni të cilët i kanë prezantuar punimet e realizuar gjatë tri ditëve sa ka zgjatur ky aktivitet kulturor i organizuar me rastin e Ditës së Çlirimit të Skenderajt. Në ekspozitë ka marrë pjesë edhe Nënkryetari i Komunës së Skenderajt Fadil Nura i cili i ka falënderuar për pjesëmarrje në Koloni artistët mysafirë dhe ata nga Skenderaj, të cilët me penën e tyre kanë prezantuar peizazhe të ndryshme nga Skenderaj. Ai ka lavdëruar punën krijuese të piktorëve në paraqitjen e bukurive të Skenderajt dhe veshjeve tradicionale të Drenicës. Drejtori për Kulturë Rini dhe Sport Hajriz Koca ka thënë se ky aktivitet i filluar për herë të parë në Skenderaj do të bëhet tradicional dhe viteve të ardhshme do të jetë më masiv dhe më gjithëpërfshirës. Ai u shpreh i kënaqur me mënyrën e organizimit dhe me punën që kanë bërë artistët të prezantuar në ekspozitë. Piktori dhe profesori nga Tirana Buron Kaceli, pjesëmarrës në Koloni, ka lavdëruar qytetin e Skenderajt dhe organizimin e Kolonisë së Artistëve, duke u shprehur shumë i nderuar që gjendet në Skenderaj. Ai po ashtu shprehu kënaqësinë që ka pasur rastin të pikturojë peizazhe nga Kompleksi Përkujtimor “Adem Jashari” në Prekaz. Organizatori i këtij aktiviteti në fund ka shpërndarë certifikata për pjesëmarrësit. Projekti Kolonia e Artistëve “Skenderaj 2017” është organizuar nga Shoqata e Artistëve të Skenderajt, i përkrahur financiarisht nga Komuna e Skenderajt dhe MKRS. Ky aktivitet organizohet për herë të parë në Skenderaj dhe i njëjti pritet të jetë tradicional.

Kontrolloni gjithashtu

1 maj 1990 – Kuvendi i Pajtimit te “Verrat e Llukës”

34 vite më parë, me 1 maj 1990 u mbajt Kuvendi Gjithëkombëtar i Pajtimit të …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara