Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Kuvendit të Kosovës, Kadri Veseli ka deklaruar se iniciativa e tij për komisionin hetimor për veteranët është bërë me qëllim të ndaljes së manipulueseve që po abuzojnë me UÇK-në, si dhe për t’ia kthyer dinjitetin veteranëve. Ai nuk komentoi krizën brenda koalicionit qeverisës, por tha se duhet të punojnë më shumë në disa çështje. Përveç kësaj iniciative, kryeparlamentari bëri të ditur se pritët të ndërmarrë dhe iniciativa të tjera për të rregulluar statusin e veteranëve. “Kjo iniciativë ka të bëjë me i ndalë zërat dhe me i ndal manipuluesit të cilët janë duke u munduar që të abuzojnë në emrin tuaj dhe emrin tim. Statusi i luftëtarit është i shenjtë. Andaj Shteti i Kosovës, nuk do të lejojë që luftëtarit t i jepet lëmosh dhe statusi i tij të varet prej 170 euro. Do të thotë pas kësaj iniciative do të ketë dhe disa iniciativa të tjera që do të rregullojnë statusin e luftëtarit që kanë të bëjnë me marrë përgjegjësi me dhënë kontribut qoftë në çështjen e punësimit, apo ndërmarrësisë”, tha kryekuvendari, Veseli.
