Këtë vit Dogana e Kosovës ka realizuar rreth 30 përqind më shumë të hyra se sa vitin 2020

Këtë vit Dogana e Kosovës ka mbledhur rreth 30 përqind më shumë të hyra se sa vitin që lamë pas. Dogana e Kosovës ka bërë të ditur se sot është tejkaluar shumë prej 700 milionë euro të hyra. Kjo paraqet herën e parë që arrihet ky rekord në mbledhjen e të hyrave. “Respektivisht, sot janë raportuar 701.2 milionë euro e që në krahasim me vitin e kaluar paraqesin rritje me rreth 30% mëshumë pasi vitin e kaluar kishim 543.5 milionë”, thuhet në komunikatën për media nga Dogana e Kosovës.