KKMSH: Në komunën e Vitisë nuk ka raste të reja me COVID-19, 7 qytetarë deri me tani janë shëruar

30/04/2020 Institucionet

Komiteti Komunal për Mbrojtje dhe Shpëtim (KKMSH) në komunën e Vitisë, ka mbajtur mbledhjen e rregullt ku është diskutuar rreth menaxhimit të situatës së krijuar në komunën e Vitisë, nga virusi pandemik COVID-19. Kryetari i Komunës së Vitisë, Sokol Haliti, tha se sipas të dhënave që posedon ky komitet, deri me tani në komunën e Vitisë është bërë testimi i 168 qytetarëve për COVID-19, nga ta 52 kishin rezultuar pozitiv ndërkaq negativ kanë rezultuar 116 qytetarë të kësaj komune. Sipas tij 7 qytetarë vitias nga lokalitetet Stubëll, Smirë, Gjylekar e qyteti i Vitisë janë shëruar kurse 8 qytetarë të tjerë janë në hospitalizim. Megjithatë kryetari Haliti potencoi se fatmirësisht në këtë komunë nuk ka pasur raste të vdekjes nga ky virus dhe potencoi se personat të cilët janë në hospitalizim nuk janë në gjendje kritike. Kryetari Haliti kërkoj nga qytetarët vitias që të respektojnë udhëzimet e ekspertëve duke shtuar se kjo komunë vazhdimisht po përkujdesët që ky virus të mos përhapët, duke bërë dezinfektime, pastrime dhe klorifikimie të hapësirave të ndryshme. Ai shtoj se në bashkëpunim me donatorët po kujdesën që të sigurojnë pako ushqimore dhe higjienike për familjet në nevojë dhe falënderoj të gjithë ata që gjatë kësaj situate i kanë dal dhe po i dalin në ndihmë institucioneve komunale të Vitisë, Gjithashtu KKMSH ka thënë se ata po mbajnë kontakte të rregullta me familjarët e personave të prekur nga COVID-19.

Kontrolloni gjithashtu

Nënshkruhet Memorandum i Mirëkuptimit në mes të Komunës së Vitisë dhe organizatës “CNVP”

Sot, kryetari i komunës së Vitisë, Sokol Haliti, ka pritur në takim Xhevat Lushin – …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara