Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komandanti i Forcës së Sigurisë së Kosovës, gjenerallejtënant Rrahman Rama ka thënë se është arritur qëllimi i FSK-së dhe presin që njësitë e përfshira në stërvitjen “Mbrojtësi I Evropës 21”, të validohen mbi bazën e misionit të ri të Forcës. Komandanti i Forcës në ditën kryesore të stërvitjes, ushtrim që po mbahet nga 17 maji në terrenet e Gjakovës, ka thënë se janë në pritje të vlerësimeve zyrtare, por që tashmë janë të vetëdijshëm që operacionet kanë kaluar me sukses. “Çfarë mund të them tash me ato që i kemi parë dhe vlerësimet që kanë ardh ende nuk i kemi zyrtarisht, por konfirmoj që është arritur qëllimi, është arritur objektivi dhe presim ligjësimin për herë të parë të njësiteve tona, kompanisë tonë mbi bazën e misionit dhe detyrave të reja bazuar me ligjet e Kosovës”, ta thënë gjeneral Rama para mediave. Ai ka shtuar se qëllimi mbetet që Kosova të jetë pjesë e strukturave euroatlantike.
