Sot Radio-Kosova e Lirë ka pranuar një vendim dhe një faturë prej 1000 euro pagesë në vit për shkak se transmetojnë në rajonin e Prishtinës
Ende nuk kemi të dhëna se a janë shpërndarë vendime të tilla edhe për mediet e tjera, por sipas vendimit del se mediet që operojnë në komunën e Prishtinës, duhet të paguajnë nga 1000 euro në vit për komunën, pavarësisht sa punëtorë kanë, si ato që kanë të angazhuar qindra punëtorë, sikur Radio-Kosova e Lirë me 10 gazetarë e teknikë.
Konsiderojmë se ky vendim është arbitrar, meqë nuk ka pasur asnjë njoftim paraprak, nuk është bërë i ditur për mediet, por thjesht ka filluar të shpërndahet si vendim zyrtar i protokolluar në organet përkatëse të komunës së Prishtinës me afat pagese 30 ditë.
Radio Kosova e Lirë nuk e ka ndërmend t’ i bindet këtij vendimi gjysmë ilegal, pa ndonjë arsyetim të pranueshëm paraprak dhe të ligjshëm nga ata që e kanë marrë një vendim të tillë, të paparalajmëruar dhe arbitrar.