Komuna e Rahovecit fituese e çmimit për respektimin e Ligjit për përdorim të gjuhëve zyrtare

03/12/2021 Institucionet

Zyra e Komisionerit për Gjuhë, Misioni i OSBE-së në Kosovë dhe Ambasada e Suedisë në Kosovë, kanë organizuar edicionin e tretë të ceremonisë vjetore të ndarjes së çmimeve, për respektim të Ligjit për përdorimin e gjuhëve. Për respektim të Ligjit për përdorimin e gjuhëve, çmimet e vitit 2021 iu janë dhënë komunave, institucioneve dhe agjencive qeveritare që kanë promovuar dhe respektuar më së miri Ligjin për përdorimin e gjuhëve. Çmimet janë dorëzuar nga shefi i zyrës Komisioneri për Gjuhë Slaviša Mladenović, shefi i misionit të OSBE-së në Kosovë Michael Davenport, Ambasadorja e Ambasadës së Suedisë në Kosovë Karin Hernmarck. Institucionet fituese janë përzgjedhur në bazë të performancës së tyre në vitin 2021, vlerësuar sipas gjetjeve të monitorimit të përbashkët nga Zyra e Komisionerit për Gjuhë dhe Misioni i OSBE-së në Kosovë. Fituesit e çmimit të ndarë janë: Komisioni Qendror i Zgjedhjeve (KQZ), Policia e Kosovës, Ministria e Punëve të Brendshme, Komuna e Rahovecit, Komuna e Prizrenit, Komuna e Mitrovicës, Komuna e Shtërpcës dhe Komuna e Graçanicës. Çmimin për respektim të Ligjit për përdorimin e gjuhëve e ka pranuar, Senad Mullaavda përkthyes zyrtar pranë zyrës së Kuvendit të Komunës së Rahovecit.

Kontrolloni gjithashtu

Mamografi dhe ultrazë pa pagesë gjatë muajit tetor

Në kuadër të Muajit Rozë, muajit të ndërgjegjësimit për kancerin e gjirit, kryetari i komunës …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara