Komuna e Vitisë merret si model për integrimin në Agjendën 2030 në forumin e lartë politik, ku kryetari Haliti do të flas për këtë të arritur

18/11/2021 Institucionet

Kryetari i komunës së Vitisë, Sokol Haliti do të merr pjesë në forumin e lartë politik me titull “Integrimi i Agjendës 2030 në kuadrin e planifikimit strategjik në Kosovë. Me këtë rast kryetari Haliti, do të prezantoj para të pranishmeve rezultatet konkrete në lidhje me procesin e mbledhjes së të dhënave nga grupet tematike për qasjen gjithëpërfshirëse në nivel lokal, shkëmbimin e njohurive, historinë e suksesit dhe përfitimet nga bashkëpunimi i tyre. Përndryshe komuna e Vitisë në kuadër të Agjendës 2030 ka një bashkëpunim ndërinstitucional me komunën Kirchhain në Hessen të Gjermanisë, kurse fshati Smirë me fshatin Kleinselheim nga kjo komunë me të cilën partneriteti është kurorëzuar me realizimin e projekteve të ndryshme në të dyja anët. Komuna e Vitisë është pjesë e kësaj agjende që përfshinë 17 objektiva të Zhvillimit të Qëndrueshëm, që janë miratuar në vitin 2015 nga Asambleja e Përgjithshme e Kombeve të Bashkuara në Nju Jork. Ndërkaq bëhet me dije se ftesa ka ardhur në emër të Institutit për Politika Zhvillimore dhe Asociacionet të Komunave kurse forumi në fjalë do të mbahet ka fundi i këtij muaji në Prishtinë.

Kontrolloni gjithashtu

U mbajt akademi përkujtimore në nderim të heroit Abaz Thaçi dhe 10 dëshmorëve tjerë nga Drenica

Në Qendrën e Kulturës “Hasan Prishtina” në qytetin e Skenderajt është mbajtur akademi përkujtimore në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara