Konfirmohet mbështetja për bujqit e dëmtuar nga breshëri

25/07/2018 Institucionet

Gjatë ditës së mërkurë, Drejtori i Drejtorisë së Bujqësisë dhe Pylltarisë në komunën e Ferizajt, Burim Bajrami ka zhvilluar një takim me zëvendësministrin e Ministrisë së Bujqësisë dhe Pylltarisë, Mevludin Krasniqi, me ç’rast është diskutuar për shumë çështje që shqetësojnë bujqit ferizajas, në veçanti, kompensimin e dëmeve të shkaktuara nga të reshurat e kohëve të fundit. Drejtori Bajrami njoftoi zëvendësministrin Krasniqi se komisioni që ka themeluar i pari i Komunës së Ferizajt, Agim Aliu ka evidentuar të gjitha dëmet e shkaktuara nga stuhia e shiut dhe breshrit që pati kapluar Ferizajn muaj më parë dhe se këtë raport i ka dorëzuar Ministrisë së Bujqësisë dhe Zyrës së Kryeministrit me qëllim që të ndihmohen bujqit për dëmet e pësuara. Në anën tjetër, zëvendësministri i Bujqësisë, Mevludin Krasniqi ka siguruar drejtorin e bujqësisë në Ferizaj, Burim Bajrami se Qeveria e Republikës së Kosovës, me në krye Kryeministrin e Republikës së Kosovës, Ramush Haradinaj në mbledhjen e fundit ka autorizuar ministrin e Financave që të përgatis skemën financiare, gjegjësisht fondin për kompensimin e bujqve të dëmtuar nga reshjet. Drejtori i Drejtorisë së Bujqësisë dhe Pylltarisë, Burim Bajrami, në emër edhe të Kryetarit të Komunës së Ferizajt, Agim Aliu ka falënderuar zv.ministrin Krasniqi dhe gjithë Qeverinë e Republikës së Kosovës për mbështetjen e deritanishme në projekte të ndryshme, veçanërisht për vëmendjen që po i kushtojnë problemeve në fushën e bujqësisë.

Kontrolloni gjithashtu

Në QKMF-në në Ferizaj ishin për vizitë Dr. Edita Haxhiu – përfaqësuese nga OBSh, Dr. Fetije Fetaj nga IKShPK dhe një përfaqësuese nga UNICEF-i

Në shërbimin e vaksinimit në Ferizaj ishin për vizitë Dr. Edita Haxhiu – përfaqësuese nga …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara