KPF në Malishevë mbajti mbledhjen e katërt të radhës

21/03/2017 Institucionet

Komiteti për Politikë dhe Financa (KPF), organ i Kuvendit të Komunës së Malishevës, nën drejtimin e kryesuesit të Kuvendit të Komunës, Aziz Thaçi, ka mbajtur mbledhjen e katërt të radhës, për këtë vit, dhe ka dhënë disa rekomandime për mbledhjen e ardhshme të Kuvendit të Komunës së Malishevës. Në mesin e këtyre rekomandimeve është draft programi komunal, trevjeçar për banim 2017-2020.

Pas shqyrtimeve, Komiteti për Politikë dhe Financa ka rekomanduar për mbledhjen e ardhshme të kuvendit, informimin e Kryetarit të Komunës, për punën e KKSB-së, për vitin 2016, si dhe është rekomanduar për kuvend edhe plani i punës për vitin 2017. Po ashtu për kuvend, është rekomanduar edhe plani vjetor i njësisë së auditorit të brendshëm.

Për mbledhjen e ardhshme, janë rekomanduar edhe raporti i punës për vitin 2016, pastaj plani i punës për vitin 2017, i Qendrës për Punë Sociale në Malishevë, si dhe draft-Programi komunal trevjeçar i banimit 2017-2020, si dhe raportet e dy komisioneve që kanë të bëjnë me pronat.

Krahas këtyre rekomandimeve, për mbledhjen e ardhshme, KPF ka rekomanduar edhe katër kërkesa të qytetarëve, që kryesisht kanë të bëjnë me ndërrim destinimi të tokës.

Kontrolloni gjithashtu

Pastrimi i rrugëve në fshatrat e komunës së Skënderajt po vazhdon me intensitet të lartë

Pastrimi i rrugëve në fshatrat e komunës së Skënderajt po vazhdon me intensitet të lartë …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara