Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komisioni Qendror i Zgjedhjeve ka njoftuar se është përmbyllur afati për deklarimin e pjesëmarrjes përmes koalicioneve në Zgjedhjet Lokale për Kryetarë të Komunave dhe Kuvende Komunale, që do të mbahen më 12 tetor 2025. Gjatë periudhës nga 9 deri më 23 qershor, janë deklaruar dy koalicione politike. “Koalicija Vakat”, i përbërë nga Demokratska Stranka Boshnjaka dhe Demokratska Stranka Vatan, dhe koalicioni “SDU-NASHA”, i përbërë nga Socijaldemokratska Unija dhe Nasha Inicijativa, i cili do të garojë vetëm në komunën e Prizrenit. Po ashtu, pesë parti politike kanë njoftuar se nuk do të marrin pjesë në këto zgjedhje. Ato janë: Organizata Balli Kombëtar Demokrat, Partia Demokratike e Diasporës, Partia e Drejtësisë, Kosovaki Nevi Romani Partia dhe Partia Balliste. KQZ njofton se afati për aplikimin për certifikim dhe dorëzimin e listës së kandidatëve fillon më 26 qershor. Subjektet që dëshirojnë të marrin pjesë në garë duhet të dorëzojnë dokumentacionin përkatës pranë Zyrës për Regjistrim dhe Certifikim.
