Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Albert Krasniqi nga Demokracia Plus ka thënë se partitë opozitare, Lidhja Demokratike e Kosovës dhe Partia Demokratike e Kosovës kanë treguar epërsi në hapjen e fushatës zgjedhore ndaj partisë në pushtet –Vetëvendosjes. Ai ka vlerësuar se dallimet mes tyre ishin të dukshme në aspekte të shumta, si në masivitetin e pjesëmarrjes, gjuhën përbashkuese si dhe në premtimet konkrete të menduara me kujdes. “Është gabim të cilësohet ky reformim i partive opozitare si një sukses i VV-së. Ky ndryshim reflekton kërkesat e qytetarëve, të cilat këto parti i kanë kuptuar dhe i kanë pranuar si të tilla pas rezultatit të zgjedhjeve të fundit parlamentare. Partitë që synojnë rritje duhet të jenë në gjendje të ndryshojnë, të përmirësohen dhe t’u përshtaten kërkesave të kohës” ka vlerësuar mes tjerash, aktivisti nga Demokracia Plus, Albert Krasniqi.
