KEK
Fillimi / Institucionet / KRUSHA E MADHE – SIMBOL I REZISTENCËS SË POPULLIT SHQIPTAR

KRUSHA E MADHE – SIMBOL I REZISTENCËS SË POPULLIT SHQIPTAR

Në 21-vjetorin e masakrës së Krushës së Madhe kryetari i komunës së Rahovecit Smajl Latifi me bashkëpunëtorë, invalidë e veteranë, familjarë të të rënëve, bënë homazhe dhe nderime, te Kompleksi Përkujtimor në Krushë të Madhe, ku janë kujtuar dhe nderuar të gjithë ata që u vranë, masakruan e u zhdukën nga okupatori serb në luftën për liri. Në këtë ditë u nderuan e përkujtuan me përkushtim të lartë, gjaku dhe vepra atdhetare e të rënëve për liri, e 241 të vrarëve dhe masakruarve, prej të cilëve 64 ende mungojnë e nuk dihet asgjë për fatin e tyre, duke përfshirë edhe atdhetarin dhe burrin e shquar të kombit shqiptar profesor Ukshin Hoti. Lavdia dhe nderimi ju takon të rënëve për liri, ndërsa neve na bie për hise të punojmë e angazhohemi për jetësimin e aspiratave tona kombëtare. Lavdi të rënëve të Krushës së Madhe dhe të gjithë të rënëve anekënd trojeve shqiptare!

U jetësoftë akoma më shumë amaneti i të rënëve për Liri! Ka thënë kryetari Latifi me këtë rast.

Kontrolloni gjithashtu

Përurohet këndi i lojërave në lagjen “Patok” të Rahovecit

Rahovecit iu shtua edhe një hapësirë pushuese e rekreative. Është projekti “Investime në infrastrukturën kulturore ...