Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Kuvendit të Kosovës, Kadri Veseli, priti sot në takim zëvendës-kryeministrin e Turqisë, Numan Kurtulmush, të cilin e njoftoi për zhvillimet në vend dhe hapat që ka bërë Kosova gjatë viteve të fundit, duke u shndërruar në një faktor paqeje dhe stabiliteti në rajon. Veseli çmoi lart bashkëpunimin që Kuvendi i Kosovës dhe Kuvendi Kombëtar i Turqisë kultivojnë ndërmjet tyre, në funksion të forcimit të miqësisë ndërmjet dy vendeve, si dhe të ngritjes së kapaciteteve të Kuvendit të Kosovës, duke shfrytëzuar përvojën e çmuar dhe të gjatë parlamentare të Turqisë. Përkrahja ekonomike e Turqisë dhe investimet e kompanive turke në Kosovë, sipas Veselit janë shtytje të rëndësishme për zhvillimin ekonomik të vendit. Ai ka kërkuar që ndihma e Turqisë ndaj Kosovës të vazhdojë.
