Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Republikës së Kosovës, Ramush Haradinaj priti në takim lamtumirës, ambasadorin e Suedisë në Kosovë, Henrik Nilsson, të cilin e falënderoi për kontributin e dhënë gjatë misionit të tij në fuqizimin e marrëdhënieve ndërmjet Kosovës dhe Suedisë. Duke e vlerësuar rolin dhe mbështetjen e Suedisë në të gjitha proceset nëpër të cilat ka kaluar dhe po kalon Kosova, kryeministri Haradinaj tha se partneriteti me ndërmjet dy vendeve duhet të vazhdojë dhe të avancohet edhe në rrafshin ekonomik. “Suedia është një partner i rëndësishëm i shtetit të Kosovës, duke dhënë kontribut të vazhdueshëm në projekte të rëndësishme për vendin, si në fushën ekonomike, sociale dhe ngritjen e kapaciteteve tona njerëzore”, tha Haradinaj, duke shtuar se Kosova është e përkushtuar që të çoj përpara raportet bilaterale me shtetin e Suedisë duke e forcuar veçmas bashkëpunimin ekonomik dhe atë politik. Ai ka falënderuar ambasadorin Nilsson për punën dhe angazhimin e tij konkret gjatë misionit në Kosovë, duke kërkuar që ky raport ndërshtetërorë të vazhdojë në të gjitha fushat e interesit të përbashkët. Ndërkaq, ambasadori i deritashëm i Suedisë në Kosovë, Henrik Nilsson, falënderoi kryeministrin për pritjen duke thënë se Suedia do të jetë mbështetëse e Kosovës në të gjitha proceset euro integruese. Haradinaj e ka nderuar ambasadorin Nilsson me medaljen e Skënderbeut, për kontributin e dhënë për pesë vjet shërbim në Kosovë.
