Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Kosovës, Albin Kurti, ka reaguar pas tragjedisë që ndodhi në fshatin Rufc të Lipjanit ku u gjetën të vdekur burrë e grua dhe djali i tyre. Kurti ka thënë se është i trishtuar nga një ngjarje e tillë tragjike. Përtej sqarimit të rrethanave, tragjedi të tilla lënë boshllëk në zemrat e secilit. Familjes Bekteshi i shpreh ngushëllimet më të sinqerta për humbjen e madhe, sikurse edhe të gjithë qytetarëve të Komunës së Lipjanit. Ende nuk dihen rrethanat e kësaj tragjedie e cila, në kushte dhe rrethana e sotme nuk është një rast i izoluar, meqë tragjeditë e tilla familjare janë shtuar e po shtohen jo vetëm te ne, po kudo në botë, në mungesë të edukatës familjare, dashurisë mes anëtarëve të familjes, mirëkuptimit, tolerancës, vetëpërmbajtjes dhe respektit të ndërsjellë.
