Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Shqipërisë, Edi Rama, ka bërë të ditur se janë nxjerrë 41 persona nga gërmadhat, ndërsa shumë shtete kanë shprehur gatishmërinë dhe po vijojnë që të sjellin ndihma në Shqipëri. “Kemi nxjerrë 41 persona nga gërmadhat. Kryetarë shtetesh më kanë njoftuar se do të nisin skuadra emergjencash. Kanë mbërritur të parat trupat e Kosovës me porosi të kryetarit Hashim Thaçi, i cili ka shprehur gatishmërinë për të ndihmuar shtetin vëlla. Kanë mbërritur helikopterë italianë dhe një skuadër nga Mali i Zi, nga Greqia, Turqia, Franca, Gjermania dhe Amerika. Kjo fatkeqësi kërkon kurajo dhe durim dhe qetësi. Janë të lehta të thuhen në këtë situatë ekstreme, por bashkë do ta përballojmë këtë tragjedi të madhe të natyrës. Mjekët dhe infermierët në gatishmëri. Çfarë nuk të vret të forcon. Plaga e sotme e madhe do të na bëjë më të fortë nesër”, tha Rama. Ndërkohë Ministria e Mbrojtjes njofton se ka shkuar në 13 numri i personave që kanë humbur jetën si pasojë e tërmetit.
