Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryenegociatori serb, Petar Petkovic, në cilësinë e zyrtarit të qeverisë së Serbisë, ka përdorur një retorikë ofenduese para takimit me kryenegociatorin e Kosovës, Besnik Bislimi, në Bruksel. Petkovic, drejtor i “Zyrës për Kosovën” në qeverinë serbe, ka reaguar ndaj deklaratës së Presidentes së Kosovës, Vjosa Osmani, që ka shprehur pajtim të pjesshëm rreth propozimit amerikan për zgjidhjen e krizës së dinarit. Në një postim në gjuhën angleze dhe një tjetër në serbisht, Petkovic ka shprehur pohimet e tij, duke e akuzuar për “rrena” dhe për të mos arritur asnjë marrëveshje për dinarin. “Siç do të thoshte populli ynë, Vjosa Osmani po rren si qen! Asnjë pajtim për dinarin nuk është arritur, e ata që janë të mëdhenj e fuqishëm e vetmja gjë që po bëjnë është që popullit serb në Kosovë t’ua imponojnë zgjidhjet”, ka shkruar Petkoviq në postimin e tij.
