leoni

Kryetari Ekrem Kastrati mbajti takimin e dytë publik me qytetarë

22/12/2023 Institucionet

Kryetari i Komunës së Malishevës, Ekrem Kastrati, në kuadër të përmbushjes së detyrimeve ligjore, sot e ka mbajtur takimin e dytë publik me qytetarë dhe e ka prezantuar punën dhe angazhimet e tij dhe të qeverisë komunale, gjatë vitit 2023, ndërsa më pas ka zhvilluar edhe debat me të pranishmit në këtë takim. Në këtë takim publik me qytetarë, kryetari Kastrati, e ka prezantuar punën njëvjeçare të Komunës së Malishevës, realizimin e projekteve kapitale dhe çështjet e tjera, me të cilat komuna është përballur gjatë këtij. Lirimi i hapësirës publike, ndërtimi i rrugës “Ibrahim Mazreku”, punimet në ndërtimin e parkingut nëntokësorë dhe parkut të qytetit, investimet në bujqësi, në shëndetësi,  në sport, në kulturë, duke mos lënë anash as investimet tjera nëpër fshatra, ishin disa nga punët që i ka prezantuar kryetari Kastrati, si dhe punën e drejtorive komunale. Po ashtu, kryetari Kastrati ka folur edhe për sfidat me të cilat është ballafaquar gjatë këtij viti, duke përfshi buxhetin e limituar që ka Malisheva, por që në fund, duke bërë përpjekje maksimale, janë realizuar objektivat për këtë vit. Kastrati, është përgjigjur edhe në pyetjet dhe komentet e parashtruara nga të pranishmit në këtë takim, përfshi edhe shqetësimet e qytetarëve për mungesën e theksuar të energjisë elektrike. Për problemet me furnizim me energji elektrike, shqetësimin e tij, kryetari Kastrati, sikur gjatë tërë viti, edhe sot e ka shprehur, edhe pse kjo çështje nuk është në dorë të komunës, por ka kërkuar zgjidhje për këtë problem me të cilin Malisheva po përballet që nga paslufta. Në fund, kryetari i Komunës së Malishevës, i ka falënderuar të gjithë qytetarët për përkrahjen dhe mirëkuptim gjatë realizimit të projekteve, si dhe i ka uruar të gjithë qytetarët, në prag të ndërrimit të moteve, duke ju dëshiruar një vit të ri, të begatshëm për të gjithë.

Kontrolloni gjithashtu

Me ftesë të kryetarit Kastrati udhëheqja e komunës së Meyrinit (Zvicër) po qëndron në Malishevë

Me ftesë të kryetarit të Komunës së Malishevës, Ekrem Kastrati, një delegacioni i komunës së …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara