Kuvendi i Komunës së Ferizajt ka mbajtur mbledhjen e fundit për këtë vit

22/12/2023 Institucionet

Kuvendi i Komunës së Ferizajt , me shumicë votash mori vendim për  publikimin e listës së pronave komunale për dhënën në shfrytëzim për vitin 2024. Kryesuesi i Kuvendit të Komunës Xhavit Zariqi, bashkë më drejtorë komunal dhe anëtarë të  kuvendit të Komunës, ka mbajtur mbledhjen e fundit për këtë vit. Në këtë mbledhje me shumicë votash është votuar plani vjetor i punës për Kuvendin e Komunës së Ferizajt. Po ashtu në këtë mbledhje është diskutuar edhe propozim-vendimin për aprovimin e Rregullores për organizimin dhe Shfrytëzimin Parkingjeve Publike dhe private në territorin e Komunës së Ferizajt, pas ndryshimeve të kërkuara. Ndërkaq me shumicë votash edhe u miratua kjo rregullore. Me shumicë votash është aprovuar edhe  propozim-vendimi i dhënë nga drejtori i Pronës, Gjeodezisë dhe Kadastrit Sabri Murseli për publikimin e listës së pronave komunale për dhënën në shfrytëzim për vitin 2024. Ndërkaq drejtori i Drejtorisë së Zhvillimit Ekonomik dhe Turizmit, Balton Dërguti, ka bërë propozim-vendimin për miratimin Strategjisë së Zhvillimit Ekonomik Lokal në Komunën e Ferizajt për vitin 2024-2034, ku edhe ky propozim kaloi. E nga ana tjetër drejtorja e Financave Sebahate Ajeti-Sadiku ka bërë propozim-vendimin për faljen e obligimeve të pa paguara për taksën në aktivitet (afariste) që nga vitit 2000.

Kontrolloni gjithashtu

Me ftesë të kryetarit Kastrati udhëheqja e komunës së Meyrinit (Zvicër) po qëndron në Malishevë

Me ftesë të kryetarit të Komunës së Malishevës, Ekrem Kastrati, një delegacioni i komunës së …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara