Kryetari Haliti vizitoi degën e bashkësisë Islame në Viti me rastin e fillimit të muajit të Ramazanit

22/03/2023 Institucionet

Në prag të Muajit të Shenjtë të Ramazanit, kryetari i komunës së Vitisë, Sokol Haliti me bashkëpunëtor, ka vizituar zyrën e Bashkësisë Islame dega në Viti, ku u prit nga kryetari i saj Husamedin Hoxha. Kryetari Haliti ka uruar kreun e BI-së dhe gjithë qytetarët e besimit islam për muajin e Ramazanit, duke dëshiruar që ky muaj i shenjt, të shërbej për solidaritet, harmoni e paqe, si dhe të përçoj mesazhin e dashurisë mes njerëzve. Gjithashtu, Haliti shprehu gatishmërinë e bashkëpunimit dhe mbështetjen që së bashku me degën e Bashkësisë Islame në Viti, të mbështesin familjet në nevojë, që sa më lehtë të kalojnë muajin e Ramazanit. Nga ana tjetër, edhe kryetari i BI-së në Viti Husamedin Hoxha, duke uruar gjithë besimtarët për fillimin e muajit të Ramazanit, ka shprehur falënderim për Institucionet komunale në mbështetje të  vazhdueshme dhe koordinim me institucionin që ai drejton. Gjithashtu, në këtë takim, u bisedua edhe për disa projekte, që mund të realizohen në të ardhmen si projekte të përbashkëta.

Kontrolloni gjithashtu

Kryetari Agim Aliu priti në takime ndaras disa nga kandidatët për deputet nga radhët e PDK-së

Kryetari i komunës së Ferizajt, z. Agim Aliu në kuadër të aktiviteteve të rregullta ditore …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara