Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari, Hashim Thaçi beson se bisedimet në Bruksel për normalizimin e marrëdhënieve në mes të Kosovës dhe Serbisë kanë pasur efekte të shumta pozitive. Përkushtimet tona janë për normalizimin e gjendjes së plotë edhe në veri të Mitrovicës. Tanimë atje kemi edhe policët e Kosovës, doganierët, administratën, funksionimin e rendit dhe ligjit, për herë të parë kemi organizuar zgjedhje lokale sipas ligjeve të Kosovës, tani ata njerëz që kanë qenë nëpër barrikada punojnë në kuadër të institucioneve të Republikës së Kosovës. Mund të them se dialogu në Bruksel e ka pasur efektin e vet të ndryshimit për të mirën e Kosovës, por duhet të bëjmë më tepër, duhet të shkojmë drejtë një marrëveshje më të gjerë politike që do të çonte drejtë një raporti më të mirë ndër fqinjësore të pajtimit dhe bashkëpunimit, ka theksuar kryetari, Hashim Thaçi gjatë qëndrimit në Mitrovicë ku ka folur edhe për Demarkacionin me Malin e Zi, Veriun si dhe për formimin e Forcave të Armatosura të Kosovës.
