Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i LDK-së, Lumir Abdixhiku, ka pritur në takim ambasadorin e Bashkimit Evropian në Kosovë, Tomas Sunyog me të cilin ka diskutuar për çështjet aktuale politike në vend. LDK-ja ka bërë të ditur me këtë rast se në takim u bisedua dhe për nevojën e stabilitetit në vend, për thellimin e bashkëpunimit mes Kosovës dhe BE-së, pasi rruga e vetme e duhur për Kosovën është integrimi euroatlantik. Po ashtu saktësohet se kryetari, Lumir Abdixhiku i ka shpalosur ambasadorit, Syunzog planin 7 pikësh të LDK-së i cili përmban zgjidhjen e krizës në veri dhe përmirësimin e imazhit të Kosovës në arenën ndërkombëtare. Kryetari i LDK-së e njoftoi ambasadorin edhe për ecurinë e takimeve me përfaqësues të jetës publike në vazhdën e ndërtimit të Rrugës së Re si dhe qëndrimet e LDK-së lidhur me të gjitha proceset nëpër të cilat po kalon vendi ynë.
