Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i PDK-së, Memli Krasniqi ka pritur në takim ambasadorin amerikan në Kosovë, Jeffrey Hovenier. Në këtë takim Krasniqi ia ka shprehur ambasadorit qëndrimin e PDK-së mbi dialogun Kosovë-Serbi dhe rezervat mbi propozimin evropian. Ai ka deklaruar se për PDK-në marrëveshja e bazuar mbi propozimin evropian është e pamjaftueshme dhe një mundësi e humbur për marrëveshje gjithpërfshirëse. “Sot, në selinë e Partisë Demokratike të Kosovës, kam pritur ambasadorin amerikan, Jeffrey Hovenier. Bashkë kishim një diskutim miqësor dhe konstruktiv në raport me zhvillimet e fundit politike në vend. Ambasadorit Hovenier i shpreha edhe një herë qëndrimin e PDK-së në lidhje me dialogun Kosovë – Serbi dhe rezervat tona në raport me propozimin evropian tashmë të pranuar nga Kryeministri Kurti. Për ne, kjo marrëveshje është e pamjaftueshme dhe një mundësi e humbur për të arritur një marrëveshje finale, gjithëpërfshirëse dhe me njohjen e ndërsjellë në qendër”. Memli Krasniqi e ka akuzuar Kurtin për dështim në arritjen e qëllimeve shtetërore. Ambasadorin Hovenier e falënderova për vizitën dhe mbështetjen e vazhdueshme për Kosovën, si dhe e sigurova që PDK gjithmonë do të veprojë në përputhje ne interesin shtetëror dhe qytetar të Kosovës”, ka shkruar Krasniqi.
