Kryetari Ilazi priti në takim përfaqësues të Kuvendit të të Rinjve në Kaçanik

12/07/2017 Institucionet

Kryetari i Komunës së Kaçanikut Besim Ilazi, priti në zyrën e tij përfaqësues të Kuvendit të të  Rinjve në Kaçanik (KRK). Ilmije Kamishi- Kryetare e Kuvendit të të Rinjve në Kaçanik e njoftoi kryetarin Ilazi  për punët dhe aktivitetet e këtij forumi rinor, ndërsa e falënderoi për përkrahjen dhe financimin e disa aktiviteteve rinore në Kaçanik. Nga ana tjetër, Kryetari Besim Ilazi falënderoi të rinjtë vullnetarë për aktivitetin e tyre në Kaçanik, në të mirë të rinisë dhe shoqërisë në përgjithësi. Kryetari Ilazi kërkoi nga të rinjtë që të jenë zëri kritik karshi institucioneve, në mënyrë që së bashku të bëjmë më të mirën për vendin tonë. Në takim KRK-në e përfaqësuan të rinjtë Bleona Shehu nënkryetare, Shend Vishi nënkryetar si dhe Edona Kamishi anëtare e kryesisë, të cilët kërkuan që puna vullnetare të stimulohet në forma të ndryshme, në mënyrë që të rritet më shumë pjesëmarrja e të rinjve në aktivitete vullnetare. Për kontributin e dhënë në drejtim të arritjes së synimeve të kuvendit të të Rinjve të Kaçanikut u nderuan me mirënjohje Kryetari Besim Ilazi, Drejtori për Arsim dhe Kulturë Enver Kamishi si dhe Fatmir Qaka- Koordinator për Rini.

Kontrolloni gjithashtu

Kryetari Haliti i nderon me mirënjohje të pensionuarit Agush Hasani dhe Samet Zuka

Kryetari i komunës së Vitisë, Sokol Haliti, së bashku me drejtoreshën e Arsimit në Viti, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara