Kryetari Jashari ka vazhduar vizitat tek familjet e dëshmorëve me rastin e 21 vjetorit të çlirimit të komunës

23/06/2020 Institucionet

Kryetari i Komunës së Skenderajt, Bekim Jashari, së bashku me nënkryetarin Nuredin Lushtaku si dhe drejtorin e Kulturës, Abdyl Ymeri, kanë vazhduar vizitat tek familjet e dëshmorëve me rastin e 21 vjetorit të çlirimit të komunës, në shenjë nderimi e falënderimi për kontributin dhe sakrificën e jashtëzakonshme.  “Ashtu siç edhe e kemi planifikuar që të shënojmë 18 qershorin, gjatë vizitës tek këto familje dhuruam mirënjohje për dëshmorët: Sokol F Rama, Kajtaz M Muharremi, Muhamet Sh Fazliu, Musa A Rexha, Remzi B Maksuti, Xhemshir A Islami, Nebih Meha, Tahir Meha, Beqir Meha, Naser A Kodra, Avdullah K Kodra dhe Adem Lushtaku, të cilët nuk kursyen as jetën e tyre për lirinë dhe pavarsinë e Kosovës”, tha Kryetari Jashari. Kryetari tutje tha se familjet e dëshmorëve janë nderi dhe historia jonë e lavdishme, janë simbol i vlerave tona kombëtare e historike. “Ato duhet trajtuar me kujdes të veçantë dhe respekt të vazhdueshëm për kontributin e tyre në jetësimin e idealeve tona shekullore. Vizitat tek familjet e dëshmorëve vazhdojnë ditëve në vijim”, bëri të ditur Jashari.

Lavdi dëshmorëve të kombit!

Kontrolloni gjithashtu

Mamografi dhe ultrazë pa pagesë gjatë muajit tetor

Në kuadër të Muajit Rozë, muajit të ndërgjegjësimit për kancerin e gjirit, kryetari i komunës …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara