Kryetari Latifi dhe komandanti i stacionit të policisë në Rahovec, diskutojnë për sigurinë në komunikacion dhe lirimin e trotuareve

25/07/2018 Institucionet

Kryetari i Komunës së Rahovecit, Smajl Latifi, me bashkëpunëtor, ka pritur në takim, Osman Ismajli, dhe stafin e tij, temë e takimit ishte siguria në komunikacion dhe lirimi i trotuareve nga shitësit ambulant dhe bizneset tjera të cilët ekspozojnë mallin e tyre. Në fillim të takimit, Kryetari Latifi ka thënë se e dimë që gjatë kësaj kohe komunikacioni është i ngarkuar dhe kërkoj rritje të patrullimit dhe nga ana e policisë në mënyrë që siguria në komunikacion të jetë më e lartë. Kryetari Latifi gjithashtu ka thënë gjatë takimit se trotuaret janë të uzurpuara nga shitësit ambulant dhe ka kërkuar nga Drejtoria e Inspeksionit që të asistohen edhe nga policia në mënyrë që të lirohen trotuaret dhe qytetarët të ecin lirshëm nëpër trotuare. Ai ka thënë se nuk jam për të dënuar askënd, por nëse ata e kanë  shkelur ligjin, sigurisht që do të dënohen bazuar në ligjet relevante që janë në fuqi. Ndërsa, komandanti i stacionit të policisë në Rahovec, Osman Ismajli, ka thënë fillimisht se situata e sigurisë në territorin e Komunës së Rahovecit është e qetë dhe stabile, kriminaliteti është në rënie dhe në gjashtëmujorin e parë të vitit 2018, nuk kemi asnjë rast me fatalitet-vdekje në komunikacion. Kurse sa i përket lirimit të trotuareve ai është shprehur se u janë përgjigjur pozitivisht kërkesave të inspektorëve të drejtorisë së Inspeksionit për ti asistuar në aksionet e tyre për largimin e shitëseve ambulant të cilët e ekspozojnë mallin e tyre në trotuar dhe që pengojnë lëvizjen e qytetarëve. Po ashtu ai ka thënë se jemi të gatshëm të asistojmë sa herë që kemi kërkesë, nga drejtoria përkatëse që ti mbështesim gjatë realizimit të aksionit të cilët ata kanë. Në fund të takimit Kryetari Latifi dhe komandanti Ismajli, u dakorduan që në të ardhmen të ketë takime në mes të zyrtarëve të drejtorive të Shërbimeve Publike dhe asaj të Inspeksionit dhe Policisë së Kosovës stacioni në Rahovec.

Kontrolloni gjithashtu

Kryetari Latifi mbajti mbledhjen e radhës me drejtorët e drejtorive

Kryetari i komunës së Rahovecit Smajl Latifi, mbajti mbledhjen e përjavshme me drejtorët e drejtorive, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara