leoni

Kryetari Latifi ka nënshkruar 4 Marrëveshje me drejtorin e Fondit të Kosovës për Efiçiencë të Energjisë për 4 objekte shkollore të komunës së Rahovecit  

26/01/2023 Institucionet

Kryetari i komunës së Rahovecit Smajl Latifi, së bashku me Drejtorin Menaxhues të Fondit të Kosovës për Efiçiencë të Energjisë z.Ahmet Ismaili dhe z. Naim Bujupi – Udhëheqës i Departamentit të Operacioneve, kanë nënshkruar 4 Marrëveshje për Shërbime në Efiçiencë të Energjisë për 4 objekte shkollore të komunës së Rahovecit. Sipas kësaj marrëveshjeje, shkollat në të cilat do të zbatohen këto projekte janë:

✅ Shfmu “Rilindja”, me vlerë 117,508.60 €

✅ Shfmu “Gëzim Hamza-Piktori”, me vlerë 154,933.36 €

✅ Shfmu “Dëshmorët e Zatriqit”, me vlerë 68,560.70 €

✅ Shfmu “Faik Konica”, me vlerë 60,840.85 €

Në takim dhe në ceremoninë e nënshkrimit të marrëveshjeve ishin të pranishëm edhe drejtori i arsimit Avni Morina dhe koordinatori i komunës për efiçiencë të energjisë Shpejtim Mustafa. Sipas marrëveshjeve, është kërkuar nga zyrtarët e Fondit të Kosovës për Efiçiencë, që realizimi i këtyre projekteve të përmbyllet deri më 31 gusht 2023. Njëkohësisht, është shprehur interesimi i zyrtarëve komunal që në thirrjen e re nga FKEE t’i, e cila do të shpallet së shpejti, të përfshihen në projektet e efiçiencës së energjisë edhe disa shkolla të tjera të komunës së Rahovecit, të cilat kanë nevojë.

Kontrolloni gjithashtu

Komuna e Deçanit po merr pjesë në Panairin e Turizmit dhe Sportit 2024 në Prishtinë

Komuna e Deçanit po merr pjesë në Panairin e Turizmit dhe Sportit 2024 në Prishtinë, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara