Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në sallën e Kuvendit të Komunës së Rahovecit, kryetari Smajl Latifi, nën shoqërimin e nënkryetarit Iska, drejtorit të administratës, Besnik Hoti dhe drejtorëve të drejtorive përkatëse tjera, u mbajt takimi i parë me punëtorët e administratës komunale. Fillimisht, kryetari Latifi falënderoi të gjithë punonjësit për angazhimet dhe bashkëpunimet ditore në punë, në përputhje me detyrimet e parapara me ligj. Theksoi edhe një herë rëndësinë e respektimit të orarit të punës, punonjësit të kenë përkushtim të parezervë në kryerjen e shërbimeve për qytetarë, duke ngritur gjithnjë e më shumë kualitetin e punës, për t’i bërë sa më të lehta shërbimet administrative në favor të qytetarëve. Kryetari Latifi vlerësoi mbarëvajtjen e punës në komunë dhe kërkoi që disiplina të jetë më e madhe. Në fund, uroi të gjithë punonjësit dhe qytetarët për vit të suksesshëm, duke u dëshiruar të gjithëve shëndet dhe mbarësi.
