Kryetari Nura mbanë takimin e rregullt me drejtorët e drejtorive komunale

07/02/2022 Institucionet

Në kuadër të takimit të rregullt javor të drejtorëve komunal në Skenderaj, krahas detyrave dhe obligimeve të secilës drejtori, në mbledhjen e sotme është marrë vendim për të nisur procedurat lidhur me hartimin e rregullores së re për taksa, tarifa, ngarkesa dhe gjoba. Kryetari i Komunës së Skenderajt, Fadil Nura, ka thënë gjatë takimit se ky dokument është ndër më të rëndësishmit që përcakton politikat zhvillimore të komunës së Skenderajt. Veç kësaj, në takim është marrë vendim të nisin procedurat edhe për plotësim-ndryshimin e Statutit të Qendrës Kryesore të Mjekësisë Familjare në qytetin e Skenderajt. Me këtë rast, kryetari Nura ka theksuar nevojën për një hap të tillë, me qëllim që të fillojnë reformat në shëndetësi, ndërsa shtoi se ato janë edhe objektivë e qeverisjes aktuale në Skenderaj. Gjatë fazave të mëtejme, siç premtoi kryetari Nura, do të ftohen edhe komuniteti i biznesit, shoqëria civile dhe grupet tjera të interesit, të japin kontributin e tyre dhe të behën pjesë e vendimmarrjes sonë të përbashkët. Tema tjera të diskutuara gjatë takimit kanë qenë detyrat javore të drejtorive dhe angazhimet e përbashkëta të qeverisjes lokale, në funksion të ngritjes së mirëqenies dhe shërbimeve ndaj qytetarëve. Edhe kryetari Nura dhe nënkryetari Lushtaku, kanë kërkuar nga drejtorët angazhim të vazhdueshëm, për të përmbushur pritjet e qytetarëve, si dhe është kërkuar respektim më të madh të orarit të punës zyrtare.

Kontrolloni gjithashtu

Komuna e Deçanit ju bënë thirrje të gjithë qytetarëve të sajë që ta shfrytëzojnë kohen e mbetur për regjistrim

Komuna e Deçanit ju bënë thirrje të gjithë qytetarëve të sajë që ta shfrytëzojnë kohen …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara