Në kuadër të aktiviteteve të rregullta ditore, kryetari i komunës së Skënderajt ka mirëpritur në zyrën e tij, profesorin universitar Përparim Gruda, i cili në zgjedhjet Parlamentare të 9 shkurtit është në garë për deputet nga radhët e PDK-së.
Nura në postimin e tij në facebook ka shkruar:
“Kënaqësi të mirëpres profesorin e nderuar universitar Përparim Gruda, një nga më të mirët në fushën e drejtësisë duke qenë edhe profesor i së drejtës kushtetuese, një nga profesionistët me integritet të lartë dhe vlerë e shtuar për vendin, si kandidat për deputet në Parlamentin e Kosovës”.