Kryetari i Republikës së Kosovës, Hashim Thaçi, ka pritur sot në takim Komandantin e FSK-së, gjenerallejtënant Rrahman Ramën, me të cilin ka biseduar për nivelin e gatishmërisë për të ndihmuar në përballje me rrethanat e krijuara nga përhapja e koronavirusit. Kryetari Hashim Thaçi kërkoi që FSK-ja të jetë e mobilizuar, të rrisë deri në maksimum nivelin e gatishmërisë dhe të ndihmojë në preventimin, përballjen dhe tejkalimin e krizës. “Gjenerali, Rrahman Rama u shpreh se FSK-ja është në gjendje gatishmërie dhe ka kapacitetet që të përballet me çfarëdo nevoje, si me kapacitetet e vet mjekësore, ashtu edhe me kapacitetet logjistike”, thuhet në njoftimin e presidencës. Mobilizimi i FSK-së është hapi i fundit para shpalljes së gjendjes së jashtëzakonshme nga kryetari i Republikës së Kosovës.
Kontrolloni gjithashtu
Sot në qendër të Prishtinës, me rastin e 1 Majit, kanë protestuar qindra punëtorë e sindikalistë të arsimit
Sot në Prishtinë, qindra punëtorë e sindikalistë të arsimit kanë marshuar nga Biblioteka Kombëtare, tek …