Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Forca e Sigurisë së Kosovës ka mbajtur sot manifestimin për shënimin e ‘Ditës së Forcës’. Ky përvjetor Kosovën e gjen në ditë zie, nga ngjarjet që ndodhën në Shqipëri, ku dhjetëra persona humbën jetën dhe qindra mbetën të plagosur, nga tërmeti që ndodhi një ditë më parë. Sivjet, njësitë e Forcës u paraqitën me flamuj e emblema të reja, të dekretuara nga kryetari. Kjo është ditëlindja e parë e FSK-së me mandat të ri ushtarak. Kryetari Thaçi që është edhe komandant suprem i FSK-së, tha qe kjo ditë sot nuk ka karakter festiv, meqë vendi është në ditë zie pas goditjes që ka marrë Shqipëria nga tërmetet por theksoi që kjo forcë është fuqia dhe garancia më e mirë e sigurisë, dhe stabilitetit të Kosovës. Ndërsa kryeministri në detyrë Ramush Haradinaj tha se është krenar për ushtrinë e Kosovës. Para njësive të FSK-së, korit diplomatik e atasheve ushtarak komandanti i Forcës, Rrahman Rama tha se sot Forca paraqitet me emblema të reja.
