Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetarja e Kosovës, Atifete Jahjaga është pritur në Shtëpinë e Bardhë nga zëvendës-presidenti i Shteteve të Bashkuara të Amerikës, Joseph Biden. Në takimin në mes tyre u bisedua për konsolidimin e Kosovës, situatën e sigurisë në vendin tonë dhe rajon dhe përpjekjet që po bëjnë institucionet e Kosovës për t’i thelluar reformat politike dhe ekonomike në rrugën e saj drejt integrimeve evropiane. Kryetarja, Jahjaga foli edhe për përparimin e vendit tonë në fusha të ndryshme dhe theksoi se me gjithë vështirësitë e shumta, Kosova ka qëndruar e palëkundur në tetë vjet të shtetësisë së saj për t’i përmbushur përgjegjësitë. Ajo i shfaqi mirënjohje administratës amerikane për përkrahjen dhënë institucioneve të Republikës së Kosovës, me qëllim për të konsoliduar dhe forcuar demokracinë në vend.
