Kuçi dhe Hoti diskutuan për koordinimin qeveritar për kulturën dhe sportin

08/03/2017 Institucionet

Zëvendësministri i Kulturës, Rinisë dhe Sportit, Rexhep Hoti është takuar me zëvendëskryeministrin e Kosovës, Hajredin Kuçi, me të cilin ka biseduar për prioritizimin e kulturës, rinisë dhe sportit në kuadër të objektivave strategjike të Qeverisë së Kosovës. Me theks të veçantë, Kuçi dhe Hoti kanë diskutuar politikat dhe objektivat e Qeverisë, konkretisht të Ministrisë së Kulturës, Rinisë dhe Sportit, që përmes fushave që mbulon MKRS-ja të promovohet dhe avancohet vendi ynë në arenën ndërkombëtare. Të dy theksuan se është e nevojshme që të rritet koordinimi dhe komunikimi i brendshëm ndërqeveritar me qëllim të bashkërenditjes dhe planifikimit më të mirë në caktimin e objektivave dhe prioriteteve të Qeverisë, ashtu që kultura e sporti të avancohen edhe më tej.

Ata u dakorduan se kultura e sporti janë ambasadorët më të mirë për të prezantuar vendin tonë në ngjarjet e rëndësishme ndërkombëtare dhe kjo shihet si në mundësi për të lobuar edhe më shumë që Republika e Kosovës të zë vendin e merituar në mekanizmat e strukturat ndërkombëtare.

Temë tjetër diskutimi ka qenë edhe veprimi strategjik i Kosovës për anëtarësim në UNESCO, që Qeveria e Kosovës, së bashku me partnerët dhe miqtë e saj të angazhohet në nivelin e nevojshëm për të arritur këtë synim.

Gjithashtu, ndër çështjet që u diskutuan në takim ishte edhe resori i rinisë dhe gjendja e saj në vend. Në këtë takim u tha se angazhimi dhe pjesëmarrja e rinisë në jetën institucionale dhe në vendimmarrja për interesat e tyre mbetet ndër prioritetet e Qeverisë së Kosovës.

Kontrolloni gjithashtu

Kryetari Haliti i nderon me mirënjohje të pensionuarit Agush Hasani dhe Samet Zuka

Kryetari i komunës së Vitisë, Sokol Haliti, së bashku me drejtoreshën e Arsimit në Viti, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara