Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Edhe kryeministri në detyrë, Albin Kurti, ka reaguar pas vendimit të Gjykatës Kushtetuese që i jep të drejtë presidentit Thaçi në dekretin e tij për mandatimin e Avdullah Hotit si kandidat për kryeministër. Kurti këtë vendim të Gjykatës e ka quajtur si lloj arsyetimi të vendimit të kryetarit dhe jo intepretim të Kushtetutës. “Mund të gjenden pak ose aspak raste në botën demokratike kur fituesi i zgjedhjeve dhe vetë qeveria në detyrë janë të gatshëm për zgjedhje të reja dhe kjo ju pamundësohet nga Gjykata Kushtetuese dhe Presidenti duke u thirrur në shumica fiktive në Kuvend dhe duke përdredhur deklarimet dhe shkaqet objektive siç ishte gjendja e rëndë e pandemisë”, ka shkruar ai. Madje, Kurti ka thënë se ai dhe partia e tij nuk ka pasur edhe aq shpresa në vendimin e Kushtetueses, por që siç ka theksuar ai, ky vendim është përtej çdo imagjinate.
