Kuvendi Komunal i Vitisë me seancën e 11-të përmbylli punimet për vitin 2019

26/12/2019 Institucionet

Kuvendi Komunal i Vitisë, ka mbajtur seancën e 11-të dhe të fundit, me të cilën edhe ka përmbyllur punimet për vitin 2019. Seanca është karakterizuar me inaugurimin e sallës së Kuvendit, e cila është renovuar në kuadër të projektit të raportit të performancës së mirë që ka treguar komuna e Vitisë, në vitin paraprak. Fillimisht, këshilltarët kanë parashtruar pyetje drejtorëve dhe udhëheqjes komunale, e më pas janë shqyrtuar pikat e parapara për këtë seancë. Ka qenë propozim vendimi për ndërrimin e destinimit të parcelave të propozuara me nr. 2582-6 dhe nr. 2582-8 nga shfrytëzimi aktual tokë tjetër – jo pjellore në rrugë publik, që është miratuar nga asamblistët. Po ashtu janë shqyrtuar dhe miratuar edhe propozim vendimi për dhënien e pronës së paluajtshme të komunës në shfrytëzim Kompanisë për distribuim dhe furnizim me Energji Elektrike (KEDS), pa procedurë kompensimi, propozim vendimi për Planin e punës së KKSB-së për vitin 2020, propozim vendimi për Planin e punës së zyrtares për Barazi Gjinore, propozim vendimi për Planin komunal për Integrimin e qëndrueshëm të personave të riatdhesuar 2019-2022. Ndërkohë, është dhënë një informatë (Raport) për zbatimin e Planit të Integritetit për Komunën e Vitisë dhe një informatë (Raport) për realizimin e planit të punës së KKSB-së për vitin 2019, për çka edhe ka raportuar komandanti i stacionit policor në Viti kapiten Afrim Halili, i cili mes tjerash edhe ka paraqitur statistikat e rasteve të raportuara në polici, për gjatë vitit 2019. Po ashtu, u dha edhe një raport analitik i buxhetimit të përgjithshëm gjinor për vitin 2019 dhe planifikimi për vitin 2020.

Kontrolloni gjithashtu

Me ftesë të kryetarit Kastrati udhëheqja e komunës së Meyrinit (Zvicër) po qëndron në Malishevë

Me ftesë të kryetarit të Komunës së Malishevës, Ekrem Kastrati, një delegacioni i komunës së …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara