Kuvendi Komunal në Viti me shumicë votash votoi Kornizën Afatmesme Buxhetore (KAB) 2021-2023

30/06/2020 Institucionet

Ka vazhduar seanca e katërt e rregullt e Kuvendit Komunal të Vitisë, e cila ishte ndërprerë për shkak të mungesës së kuorumit, pasi që këshilltarët e opozitës kishin lëshuar seancën. Ndonëse edhe sot këshilltarët e PDK-së nuk prezantuan në seancë gjatë pikës së parë të rendit të ditës për propozim vendimin për shqyrtimin dhe miratimin e Kornizës Afatmesme Buxhetore (KAB), të Komunës së Vitisë 2021-2023, megjithatë, kjo pikë u miratua me shumicë votash. Në shenjë pakënaqësie, pikërisht për këtë pikë, edhe këshilltarët e VV-së, lëshuan mbledhjen në momentin kur po votohej Korniza afatmesme buxhetore. Në këtë seancë, u miratua edhe propozim vendimi paraprak për dhënien në shfrytëzim të pronës komunale përmes ankandit publik. Propozim vendimi për formimin e Komisionit vlerësues dhe zbatimin e procedurave për dhënien e pronës paluajtshme të komunës në shfrytëzim. Propozim vendimi për dhënien në shfrytëzim të pronës komunale afatshkurtër NPSH “Arena”. U miratua edhe ndryshim plotësimit të vendimit Nr.01-410/03-71, të datës 08.02.2018, të Këshillit Komunal për Siguri në Bashkësi, propozimi për shqyrtimin dhe miratimin e ndryshim plotësimit të vendimit Nr.01-410/03-381, të datës 30.04.2018, të Këshillit Komunal për Siguri në Bashkësi, si dhe propozim vendimi për themelimin e grupit punues për hartimin e planit vjetori të punës së Kuvendit komunal të Vitisë për vitin 2021. Gjithashtu, u dha një informatë mbi menaxhimin e mbeturinave në Komunën e Vitisë, nga Drejtoria e Shërbimeve Publike dhe Emergjencë.

Kontrolloni gjithashtu

Në Viti shënohet Dita Evropiane e të Drejtave të Pacientëve

Sot, Qendra Kryesore e Mjekësisë Familjare në komunën e Vitisë me një aktivitet simbolik ka …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara