Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Latif Gashi, ish komandant i UÇK në zonën e Llapit, vërteton se Lulzim Basha ka marrë pjesë në arrestimin e tij. Në një intervistë për Top Chanell, Latif Gashi ka sqaruar se sjellja jo e mirë ka ndodh përveç të tjerëve nga një përkthyes i quajtur Lulzim Basha për emrin e të cilit familja ime e ka marrë vesh në momentin e kontrollit të banesës sime dhe ai ka qenë me maskë. Po si duket e kanë tradhtuar vetullat e sytë e tij karakteristike e flokët e tij dhe zëri i tij, i cili gjatë marrjes së vizitave nga anëtarët e familjes sime ai ka qenë i pranishëm te gjykatësi dhe kur ka shkruar familja ime të marrë leje për vizitë. Një rast iu ka drejtuar gruas sime me fjalët. Ku i ke kalamajtë? Gruaja i ka thënë, ç’ të duhen kalamajtë e mi. Ai nuk e ka luajtur rolin e përkthyesit por rolin një polici, sikur policët serb. Fatkeqësisht ka folur gjuhën shqipe. Unë e konfirmoj që ai ka qenë në banesën time. Por ajo që duhet sqaruar për publikun është se gjatë kontrollit në banesën time, në zyrën time është marrë një ditar lufte. Edhe ai ditar i luftës për mua ka pas një vlerë të madhe historike dhe për popullin tonë. Dhe unë besoj, që duke marrë parasysh pozitën e tij si përkthyes edhe si një njeriu më i besuar në atë kohë për gjykatën e UNMIK-ut me një rrogë marramendës, ai ditar është përkthyer nga ana e tij dhe ai ditar së paku besoj se i duhet një sqarim publik, por më detyrohet edhe mua si ish luftëtar i lirisë që ta japë një sqarim publik, se a din për fatin e tij?
