Latifi: Sakrifica e dëshmorëve Bekim Sylka, Besim Kabashi dhe Avni Thaçi, mbetet pjesë e pandashme e historisë sonë më të lavdishme

26/05/2026 Institucionet

Kryetari i komunës së Rahovecit, z. Smajl Latifi me bashkëpunëtorë, veteranë dhe familjarë të të rënëve për liri, sot, në varrezat e dëshmorëve në Rahovec dhe te lapidari në Hamoc, në 27-vjetorin e përjetësimit, kanë nderuar kujtimin për ata që dhanë jetën e tyre për lirinë e Kosovës.

Sakrifica e dëshmorëve Bekim Sylka, Besim Kabashi dhe Avni Thaçi, mbetet pjesë e pandashme e historisë sonë më të lavdishme. Ata zgjodhën rrugën e flijimit për atdheun, duke lënë pas një shembull të përhershëm të trimërisë, të përkushtimit dhe të dashurisë për lirinë, ka shkruar në Facebook, kryetari Latifi.

Bekim Sylka la mërgimin për t’iu bashkuar radhëve të Ushtrisë Çlirimtare të Kosovës, duke e vënë idealin e lirisë mbi gjithçka. Ai ra heroikisht më 26 maj 1999, në betejën e Hamocit, duke u bërë pjesë e përjetshme e kujtesës sonë kombëtare dhe e rrugëtimit drejt lirisë.

Lavdi dëshmorëve të kombit!

Kontrolloni gjithashtu

U mbajt mbledhja e gjashtë e rregullt e Komitetit për Politikë dhe Financa

Nën udhëheqjen e kryesuesit të Kuvendit Komunal të Vitisë, Bekim Azizi, sot është mbajtur mbledhja …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara