Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në fundin e majit të viteve 1998-1999, ranë për të mos vdekur kurrë luftëtarë të zotë, themeluesit e celulave të para të UÇK-së, bashkëluftëtarët që mobilizuan, zhvilluan, fuqizuan dhe bënë shumë për suksesin e luftës tonë çlirimtare. Me 28 maj 1999 ranë: komandant Mensur Zyberaj – 500-shi, luftëtarët shembullorë që nderuan armët e tyre për liri, Habib Gashi nga Nagaci, Ismail Gashi nga Krusha e Madhe, Bedri Berisha nga Volljaka e Klinës, Nazmi Hasani e Kurtish Hasani nga Randobrava e Prizrenit. Në këtë pllakë mermeri janë edhe emrat e luftëtarëve, dëshmorëve të lirisë, Rifat Dinës nga Celina dhe Çaush Berishës nga Brestoci. Është fakt më se i njohur se Krusha e Madhe, Nagaci, Drenoci, Rahoveci, çdo vendbanim i kësaj zone dhe tërë Anadrinia, luajtën rol të jashtëzakoshëm në luftën për liri. “Jemi vrarë e jemi burgosur, na kanë përzënë e kanë planifikuar ta lënë këtë tokë pa shqiptarë, por nuk kanë arritur kurrë, sepse në dhimbjet e mëdha kemi gjetur forcën për t’u rilindur e luftën s’e kemi ndalur. Kjo tokë u la me gjak, me gjakun e kuq të trimave që as nuk qahen e as nuk vajtohen, për veprën e cila jeton e gjallë midis nesh, ashtu si do të rrojë përjetë vepra e tyre luftarake dhe liridashëse.”- u shpreh Kryetari Smajl Latifi.
