Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Aleancës për Ardhmërinë e Kosovës, Pal Lekaj ka thënë se subjekti politik që i takon e ka paraparë shumë kohë më herët eskalimin e gjendjes në pjesën veriore të vendit andaj ka qenë kundër mbajtjes së zgjedhjeve në komunat veriore. “Me shqetësim e kemi përcjellur në vazhdimësi procesin e ngjarjeve të komunave në veri. Ne si AAK jo rastësisht kemi qenë kundër zgjedhjeve në fillim sepse e kemi parashikuar eskalimin e situatave dhe përshkallëzimin e dobësimin e shtetit në këtë proces. Kokëfortësia e Kryeministrit ndaj ndërkombëtarêve dhe mos bashkëpunimi me opozitën e akterët tjerë relevantë brenda vendit, ka bërë që Kosova të ndëshkohet duke marrë masa nga Bashkimi Evropian. Masat si suspendimi i mekanizmave që kanë ndihmuar Kosovën në marrëveshjen e Stabilizim-Asociimit, anulimi i takimeve të rëndësishme në nivel Kosove, ndërprerja e fondeve për Kosovën nuk janë lajm i mirë për qytetarët dhe as nuk i janë dashur shtetit si subjekt në rrugëtimin drejt Evropës. Është treni i fundit që z.Kurti mund ta zë dhe ta drejtojë aty ku duhet, shtetin dhe fatin e qytetarëve të tij” ka vlerësuar, deputeti, Pal Lekaj.
