leoni

Vetëvendosje

Lëvizja Vetëvendosje reagoi kundër vendimit të Kuvendit për themelimin e ekipit negociator për dialogun me Serbinë

Lëvizja Vetëvendosje ka reaguar ndaj vendimit të Kuvendit të Kosovës për themelimin e ekipit negociator për dialogun me Serbinë. Kjo lëvizje nëpërmjet një reagimi, ka theksuar se ky ekip nuk është shtetëror, por qeveritar. Grupi për dialog me Serbinë i votuar mbrëmë në Kuvendin e Kosovës nuk është kurrfarë delegacioni shtetëror por eventualisht një ekip qeveritar të cilin e përshëndeti edhe presidenti një natë përpara si dhe një orë pas votimit. Aty dominon qeveria e pakicës për nga përbërja dhe mënyra e presidentit për nga fryma. Në gjithë tekstin e kësaj rezolute, fjala ‘shqiptar’ nuk figuron askund. Në gjithë tekstin e kësaj rezolute fjala ‘reciprocitet’ nuk figuron askund. Dy bashkëdrejtuesit e grupit do ta zëvendësojnë ministren e dikurshme pa portofol, znj. Edita Tahiri, në dialogun i cili përsëri njësoj quhet: “dialog për normalizimin e marrëdhënieve”. Grupi për dialog me Serbinë është shprehje e sprapsjes së kryeministrit karshi presidentit, meqenëse kryeministri do të duhej ta udhëhiqte këtë proces në shtetin tonë që është republikë parlamentare. Po ashtu, ky grup për dialog me Serbinë është shprehje e dëshirës së presidentit për një mbështetje formale nga Kuvendi, meqenëse atij i nevojitet zbutja e vetmisë së madhe në aventurën e tij personale me Serbinë.

Kontrolloni gjithashtu

Deputeti i Partisë Socialiste, Petro Koçi gjatë një interviste për gazetën “SOT”, tha se Gjykata e Lartë ka vendosur që “21 Janari” t’i kalojë SPAK-ut pas shqyrtimit të rekursit të bërë nga Rajmonda Nika, e veja e Aleks Nikës, i cili mbeti i vrarë më 21 janar 2011 në Bulevardin “Dëshmorët e Kombit”. Vendimi i Gjykatës së Lartë është detyrues për Prokurorinë e Posaçme, e cila do të duhet që të regjistrojë procedimin penal për këtë çështje dhe të hetojë të gjithë zinxhirin komandues të trazirave të 21 Janarit 2011. SPAK-u do të duhet që të tërheqë dosjen e “21 Janarit” nga Gjykata e Tiranës që e ka hetuar më parë këtë çështje. Ekzekutimi i Aleks Nikës, një nga 4 viktimat e 21 janarit, edhe pse kanë kaluar 13 vite, është ende pa autor. Strasburgu me vendimin që dha në muajin nëntor të vitit të 2023 u shpreh qartë se institucionet e drejtësisë në Shqipëri duhet të zbardhin ngjarjen e rëndë dhe të dënojë autorët. Po ashtu, pa autor është edhe vrasja e Hekuran Dedës, për të cilën prokuroria vite më parë, akuzoi gardistin Agim Llupo. Por sa i takon kësaj çështje zoti Koçi theksoi se hetimi i “21 janarit” nga SPAK është sukses, ndërsa tregon se kush fshihet pas masakrës dhe pse atë ditë mund të ishin vrarë më shumë se 4 protestues në bulevard. Sipas tij, besimi tek drejtësia e re është rritur.

Deputeti i Partisë Socialiste, Petro Koçi tha se Gjykata e Lartë ka vendosur që “21 Janari” t’i kalojë SPAK-ut

Deputeti i Partisë Socialiste, Petro Koçi gjatë një interviste për gazetën “SOT”,  tha se  Gjykata …