Brickos

Llap-top, kino-projektorë, karrige dhe banka donacion për tri shkolla fillore në Skenderaj

20/12/2018 Institucionet

Në ambientin e brendshëm të Shkollës Fillore e Mesme e Ulët “Shaban Jashari”, është organizuar një manifestim, ku ka marrë pjesë kryetari i Komunës, Bekim Jashari, drejtori për Arsim, Bekim Latifi, zyrtarë të Ambasada Turke në Prishtinë, përfaqësues të Kryesisë së Këshillit Turk në Kosovë, me ç’rast tri shkollave fillore i është dhuruar një donacion për nevoja të mësimnxënies dhe mësimdhënies. Donacioni që është për shkollat: “Shaban Jashari”, “Ahmet Delia” dhe “Drenica”), përfshin llap-top, kino-projektor, perde për kino-projektor, banka dhe karrige shkollore dhe vitrina. Kryetari Jashari, në emër të Komunës së Skenderajt e ka falënderuar kolonelin Cem Sinan Barim, komandant i Kryesisë së Këshillit Turk, për këtë donacion, dhe për mbështetje të vazhdueshme për arsimin në komunën tonë, siç është rasti i rinovimit të Shkollës së Mesme Teknike “Anton Çeta”, projekt i financuar nga TIKA turke. Sipas Jashari, Turqia e ka ndihmuar Kosovën në liri, shtetndërtim dhe në zhvillim të saj, për çka në shenjë mirënjohjeje, kolonelit i dhuroi Stemën e Komunës së Skenderajt. Edhe drejtori i shkollës “Shaban Jashari”, Rushi Jeta, në shenjë falënderimi, i ka ndarë mirënjohje dhe një dhuratë për mikun turk.

Kontrolloni gjithashtu

Komuna e Deçanit nënshkruan marrëveshje bashkëpunimi me kompaninë PMN Sh.P.K

Komuna e Deçanit ka nënshkruar marrëveshje bashkëpunimi me kompaninë PMN Sh.PK. “Nënshkruam kontratën me kompaninë …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara